د لاسرسۍ وړ لېنکونه

تازه خبر
چهارشنبه ۸ سلواغه ۱۳۹۹ کابل ۰۸:۳۶

د ارزګان فوټبال فدراسیون د پایه فوټبال فسټیوال ترسره کړ


ارشیف، ارزګان کې د فوټبال لوبډله، عکس تئزیني بڼه لري

د ارزګان فوټبال فدراسیون په لومړي ځل په دغه ولایت کې د پایه فوټبال فسټیوال ترسره کړ.

د افغانستان د فوټبال فدراسیون ویاند فیروز مشعوف نن چهارشنبه (د مرغومي ۲۴مه) ازادي راډیو ته وویل چې په دغه فسټیوال کې نږدې ١٠٠ تنکیو ځوانانو ګډون کړی وو.

د ښاغلي مشعوف په خبره د ګرسټروس فسټیوال یا پایه فوټبال ورزش ته د تنکیو ځوانانو هڅولو لپاره مهم فسټیوال وو.

نوموړي وویل چې دغه فسټیوال کې د تنکیو ځوانانو وړتیاوې معلومیږي او تر روزنې لاندې نیول کېږي.

ښاغلی مشعوف وايي، په روان لمریز کال کې د پایه فوټبال یا ګرستروس فسټیوال د هېواد په۲۸ ولایتونو کې د څه باندې ٤ زرو تنکیو ځوانانو ترمنځ ترسره شوي چې له دې ډلې ۷ تر۱۰ پورې لوبغاړي غوره شوي دي.

د فوټبال فدراسیون وايي، یاد فسټیوال د هېواد په نورو ولایتونو کې هم ترسره کېږي.

XS
SM
MD
LG