د لاسرسۍ وړ لېنکونه

تازه خبر
شنبه ۴ سلواغه ۱۳۹۹ کابل ۱۰:۰۵

صبح کابل: هغه سوله چې لومړني قربانیان یې خبریالان وي دوهم به یې عام وګړي وي


وژل شوي افغان خبریالان
  • صبح کابل

صبح کابل ورځپاڼې په افغانستان کې د خبریالانو او مدني فعالینو وروستۍ هدفي وژنې دردوونکې بللي او د دې لړۍ په درېدو یې ټینګار کړی.

وړاندې په سرمقاله کې راغلي، خبریالان د خلکو د دردونو او حقایقو منعکسوونکي دي او د دوی په وژلو سره د تېرو څو کلونو لاسته راوړنې له ستر ګواښ سره مخ کېږي.

لېکوال د سولې پروسې په تړاو لیکلي، هغه سوله چې لومړني قربانیان یې خبریالان وي دوهم قرباني به یې د ټولنې عام وګړي وي او دې سره به د دې ټولنې یوه ستره هستي له خاورو سره خاورې شي.

ورځپاڼې پر حکومت هم تُندې نېوکې کړي چې تراوسه یې د دې لړۍ د درولو لپاره عملي اقدام نه دی کړی.

صبح کابل ورځپاڼې هم پر حکومت ټینګار کړی چې د بیان ازادۍ په تړاو دې خپله ژمتیا ثابته کړي، هغه ازادي چې د ورځپاڼې په باور افغانستان به له هر ظلم او افراط څخه وژغوري.

  • مسیر

د مسیر ورځپاڼې د سرمقالې عنوان دی، ډېرېدونکې ناامنۍ او د چارواکو تکراري ژمنې!

ورځپاڼې وروستیو هدفي وژنو ته په اشارې لیکلي چې چارواکي بیا هم د دغو پېښو په تړا د پخوا په څېر تکراري او فېسبوکي ژمنې کوي، خو د لیکوال په خبره وضعیت ورځ تر بلې د ترینګلتیا پر لور روان دی.

ورځپاڼې پر حکومت نېوکې کړي چې د جنايي پېښو او وسله والو غلاوو د ډېرېدو ترڅنګ، د هېواد په ګوټ ګوټ، ان په ډېرو حساسو او تر سختو امنیتي تدابیرو لاندې سیمو او ښارونو کې هره ورځ هدفي وژنې کېږي.

د باعزته سولې او د نظام د پياوړي کولو لپاره يو موټی شئ.

د لېکوال په وینا، حکومت یوازې د روان وضعیت ننداره کوي، هرڅه یې تر یوې اعلاميې خپرولو، غندنې او د وژنو د ارقامو تر اعلان پورې محدود کړي.

لېکوال دغه شان ټینګار کوي چې روان وضعیت هېڅ چا ته نور د منلو نه دی او د وضعیت د ښه والي لپاره ژمنې نه، بلکې عملي اقدام ته اړتیا ده.

  • هېواد

هېواد دولتي ورځپاڼې نوی ۲۰۲۱ میلادي کال هېله بښونکی کال ګڼلی او لیکلي یې دي، تمه ده چې د روانې جنورۍ مياشتې په پنځمه له طالبانو سره د افغان حکومت مرکچي پلاوی د سولې خبرې پيل کړي چې په وینا یې په دې برخه کې دواړه غاړې اتيا سلنه د نظر توافق لري او تمه ده چې د مذاکراتو دوهم پړاو ښې لاس ته راوړنې ولري.

ورځپاڼې پرخلکو هم غږ کړی چې د باعزته سولې او د نظام د پياوړي کولو لپاره يو موټی شي.

د لیکوال په وینا، همدا اسلامي جمهوري نظام دی چې دا ملت يې سره يو موټی ساتلی او په خبره یې له دې پرته د ډلو ټپلو نظامونه او يا هم له بهره پر افغانستان تپل شوي نظامونه بريالي شوي نه دي او نه هم پايېدلي دي.

XS
SM
MD
LG