آیرلنډ وايي، د افغانستان په وړاندې یې د درو سياليو لپاره د خپل کرکټ لوبډلې لوبغاړي وټاکل.
په پام کې ده چې افغانستان او آیرلنډ د کرکټ د نړیوالې شورا د نړیوال سوپرلیګ جام لپاره درې مسابقې وکړي.
تراوسه پورې د دواړو لوبډلو ترمنځ د مسابقو ځای او نېټې نه دي ټاکل شوي.
آیرلنډ دغه راز د متحده عربي اماراتو په وړاندې هم د خپل ټیم نومونه اعلان کړل.
آیرلنډ په روان ۲۰۲۰ م کال کې د کرونا وبا له خپرېدو سره سره توانېدلی چې ۱۲ نړیوالې مسابقې وکړي.
دغه ټیم د سږ کال په اګست کې انګلنډ ته ماتې ورکړه.