په برازیل کې د کرونا ويروس د مثبتو پېښو له زیاتېدو سره په یو وخت د دغه هېواد حکومت اعلان وکړ چې په ۲۰۲۱ کې به د هېواد ټول وګړي د کرونا ويروس پر وړاندې واکسین شي.
برازیل ۲۱۲ میلیونه نفوس لري او تراوسه د دغه هېواد ۶ میلیونه او ۷ لکه تنه په کرونا ویروس اخته شوي چې د هغو له منځه یولکو ۷۸ زره تنه مړه شوي دي.
د برازیل حکومت په وروستیو کې د واکسیناسیون لپاره څو نېټې اعلان کړي.
لومړی یې وویل چې په مارچ کې به د کرونا ویروس پر ضد واکسیسناسیون پیل کړي، خو څو ورځې وروسته یې وویل چې ښايي په جنورۍ یا فبرورۍ کې خلکو ته واکسین ورکړي.
په دغه هېواد کې د کرونا ويروس د مخنیوي لپاره د دولت پر اقداماتو زیاتې نیوکې شوي دي.