سبا دوشنبې او بل سبا سې شنبې د سویس په جینوا کې د افغانستان په اړه ستر مرستندویه کنفرانس جوړېږي.
په دې کنفرانس کې به د لسګونو هېوادونو او نړیوالو سازمانونو استازي ګډون وکړي او تر ۲۰۲۴ کال پورې به له افغانستان سره د نویو مرستو ژمنې وکړي.
نوریاس نوري په دې اړه د ایکو د سازمان د غړیو هېوادونو د سوداګرۍ او صنایعو د خونې له مشر آذرخش حافظي سره مرکه کړې او په سر کې یې ترې پوښتنه کړې چې نړیوالې ټولنې د افغانستان په اړه په سترو مرستندویه کنفرانسونو کې د نورو موضوعاتو ترڅنګ د دې هېواد حکومتونو ته تر ډېره د اداري فساد او ښې حکومتولۍ شرطونه وړاندې کړي، څه فکر کوئ، چې د جینوا د کنفرانس لپاره د ولسمشر اشرف غني حکومت په دې برخه کې کومې عملي لاسته راوړنې لري؟
