د لاسرسۍ وړ لېنکونه

تازه خبر
چهارشنبه ۵ لیندۍ ۱۳۹۹ کابل ۰۹:۰۱

جرمني کې د کرونا مثبتو پېښو له زیاتېدو وروسته نوي محدودیتونه


جرمني کې لګول شوي محدودیتونه

جرمني په دې هېواد کې د کرونا د مثبتو پېښو له زیاتېدو وروسته نوي محدودیتونه لګولي دي.

د دوشنبې په ورځ جرمني دا نوي اقدامات په داسې حال کې اعلان کړل چې په ټوله اروپا کې د کرونا ویروس په پېښو کې د ۱۰ میلیونه زیاتوالي په راتلو نورو اروپايي هېوادونو هم محدویتونه زیات کړي دي.

دا مهال په اروپايي هېوادونو کې په ورځنۍ توګه تر ۲۴۰ زرو پورې د کرونا پېښې ثبتېږي چې ډېر لوړ ریکارډ دی.

فرانسې هم عمومي قرنطین پیل کړی او د دې هېواد د ۶۵ میلیونه وګړو یوه لویه برخه‌یې پر کورونو کېنولې ده.

ټاکل شوې بریتانیا هم د همدې اوونۍ له پنجشنبې څخه د یو لړ عمومي محدودیتونو عملي کول پیل کړي.

د جانز هاپکنز پوهنتون د شمېرو له مخې، په نړۍ کې نږدې ۴۷ میلیونه کسان په کرونا اخته شوي چې له دوی څخه تر یو میلیون زیات‌یې مړه شوي دي.

XS
SM
MD
LG