د لاسرسۍ وړ لېنکونه

تازه خبر
پنجشنبه ۶ لیندۍ ۱۳۹۹ کابل ۱۱:۰۶

ای. پي.اېل سیالیو په لړ کې به نن دوه سیالۍ وشي 


نن به چنايي سوپرکېنګز له کېنګز ایلیون پنجاب او دغه راز کلکته نایټ رایډرز له راجستان رایلز سره مخامخ شي.

ټاکل شوې چې د هندوستان د کرکټ غوره لیګ 'ای. پي.اېل' سیالیو په لړ کې نن د یکشنبې په ورځ (د لړم ۱۱مه)دوه سیالۍ وشي.

چنايي سوپرکېنګز له کېنګز ایلیون پنجاب او دغه راز کلکته نایټ رایډرز له راجستان رایلز سره مخامخ ده.

د راجستان، کلکتې او پنجاب لپاره د نن ورځې د سیالیو ګټل ځکه مهم بلل کېږي چې ښايي په بریا سره يې بل پړاو ته لاره پیدا کړي، خو د چنايي لوبډلې لپاره يې بریا د مخکې تګ چانس نه برابروي.

د نن ورځې دا دوه لوبې د څلور واړه لوبډلو د لومړي پړاو وروستۍ لوبې دې .

اوس مهال د دې سیالیو د نومرو به جدول کې ممبي د ۱۸ نومرو په لرلو سره د لومړی ځای لري او بل پړاو ته يې لاره کړې ده، ډیلي او بنګلور بیا د دې جدول دوهم او درېیمې لوبډلې دي او ښايي بل پړاو ته لاره پیدا کړي.

د دوهم پړاو څلورمه لوبډله لا هم نه معلومه او ښايي د سبا ورځې له سیالیو وروسته معلومه شي چې د بل پړاو وروستۍ لوبډله به کومه یوه وي.

د دې سیالیو د تېرې شپې په لوبو کې بیا سنرایزر حیدراباد رایل چلنجر بنګلور او ممبي انډین لوبډلې ډیلي کپیټل لوبډلې ته ماتې ورکړه.

XS
SM
MD
LG