د لاسرسۍ وړ لېنکونه

تازه خبر
دوشنبه ۵ لړم ۱۳۹۹ کابل ۱۱:۱۷

'اي‌پي‌اېل' سیالیو کې نن راجستان رایلز او ممبی ایتډینز لوبډلې لوبېږي


ارشیف

د هندستان د کرکټ غوره لیګ (اي‌پي‌اېل) سیالیو په لړ کې نن ماښام راجستان رایلز او ممبی اینډینز لوبډلې د یو بل په وړاندې لوبېږي.

دا لوبه د ابوظبي په شېخ زايد نړیوال کرکټ لوبغالي کې ترسره کېږي.

د دې سیالیو د تېرې شپې په لوبه کې بیا ډېلي رایل چلنجرز، بنګلور لوبډلې ته د ۵۹ منډو په توپیر ماتې ورکړه.

ډېلي د لومړۍ توپ وهنې په کولو مقابلې لوبډلې ته د ۱۹۷ منډو هدف ورکړ، خو د ویرات کوهلي په لوبډل‌مشرۍ بنګلور لوبډله ونه‌توانېده چې یاد هدف پوره کړي.

دغې لوبډلې په ټاکلو ۲۰ اورونو کې د نهه لوبغاړو په سوځېدو ۱۳۷ منډې وکړې.

ډېلي د دې لوبې په ګټلو سره د روانو سیالیو د نمرو د جدول د سر ځای خپل کړ.

دې لوبډلې په روانو سیالیو کې تر دې دمه ۵ لوبې کړي چې څلور يې ګټلي او اته نمرې لري.

پنجاب لوبډله بیا د نمرو د جدول په اخر کې ځای لري.

XS
SM
MD
LG