د لاسرسۍ وړ لېنکونه

تازه خبر
چهارشنبه ۳۰ تله ۱۳۹۹ کابل ۰۲:۴۵

'غور کې د پوهنتون ۲۳ محصلان په کرونا اخته شوي'


ارشیف، په روغتون کې د درملنې لاندې په کرونا اخته شوې مېرمن

د غور د عامې روغتیا مسؤلان وايي چې د دغه ولایت د پوهنتون ۲۳ محصلان په کرونا اخته شوي دي.

د غور ولایت د عامې روغتیا رئيس جمعه‌ګل یعقوبي وايي، د ۶۳ محصلانو چې د کرونا شک پرې کېده، معاینې وښوده چې د ۲۳ تنو کرونا مثبته ده.

د غور د عامې روغتیا رئیس په پوهنتون کې د روغتیايي سپارښتنو پر نه‌رعایت کېدو انتقاد وکړ.

د غور د عامې روغتیا ریاست د معلوماتو پر اساس، تر اوسه پورې په دې ولایت کې د کرونا ۵۲۸ مثبتې پېښې ثبت شوي چې د هغو په منځ کې ۱۱ تنه مړه شوي دي.

XS
SM
MD
LG