د ایټالیا حکومت د کرونا ویروس په خاطر یو وار بیا د نڅا کلبونه تړلي او د شپې لهخوا یې د ماسکونو کارول جبري کړي.
د ایټالیا د روغتیا وزیر روبرتو سپرانزا پرون یو فرمان لاسلیک کړی چې په اساس بهیې نن دوشنبه د ماښام له شپږو بجو په عامه ځایونو کې خلک له ماسک پرته تګ راتګ ونهشي کړای.
د فرمان له مخې د شپې او نڅا کلبونه هم د لنډ وخت لپاره تړل شوي.
ایټالیا د نړۍ یو له هغو هېوادونو دی چې پهکې ګڼ کسان د کرونا له لاسه مړه شوي.
هلته تر پرونه په دې ویروس د ټولو اخته خلکو شمېر ۲۵۴ زره تنه و او له ډلې یې څه باندې ۳۵ زره او ۴۰۰ کسان مړه شوي.
په ټوله نړۍ کې ۲۱ میلیونه او ۵ لکه او ۴۴ زره کسان په کرونا اخته دي چې له ډلې یې څه باندې ۷۷۲ زره او ۵۰۰ کسان مړه شوي.