مایک پومپیو: د لویې جرګې ګډون کوونکي ستایم
د امریکا د بهرنیو چارو وزیر مایک پومپیو په خپل ټویټر لیکلي "زه د لویې جرګې ګډون کوونکي په دې خاطر چې په افغانستان کې له سولې څخه د ملي ملاتړ د ټینګښت لپاره راټول شوي دي، ستایم. له ۴۰ کاله جګړې، وینې تویېدنې او ویجاړۍ وروسته، دواړه لوري د مذاکراتو لپاره یوې هوکړې ته د رسېدو په هدف د یوې سیاسي پروسې د پیل لپاره چمتو دي."
خلیلزاد: د سولې لپاره تاریخي فرصت باید د ټولو لورو لهخوا حفظ شي
د افغان سولې لپاره د امریکا ځانګړي استازي زلمي خلیلزاد د مشورتي لویې جرګې په اړه د امریکا د بهرنیو چارو وزیر مایک پومپیو د څرګندونو په دوام پر خپل ټویټر لیکلي "د سولې لپاره تاریخي فرصت باید د ټولو لورو لهخوا حفظ شي. په دې کار سره به، امریکا د هغوی ترڅنګ ودرېږي."
ښاغلی خلیلزاد زیاتوي: "افغانان له اوږدې مودې راهیسې د دې شېبې په تمه وو. هیله لرو د جرګې ګډون کوونکي په خپلو بحثونو کې بریالي شي او له هغوی غواړو اجازه ورنهکړي هغه کسان چې موجود وضعیت ته ترجېح ورکوي او د سولې مسیر د پېچلي کولو په لټه کې دي، دا پروسه اداره کړي."
خلیلزاد: لویه جرګه د سولې د مخامخ خبرو پر وړاندې وروستی خنډ لیرې کوي
د افغانستان سولې لپاره د امریکا ځانګړی استازی وايي، مشورتي لویه جرګه یو تاریخي فرصت دی چې د سولې د مخامخ خبرو په وړاندې به وروستی خنډ لیرې کړي.
زلمي خلیلزاد نن سهار پر خپله ټویټرپاڼه ولیکل چې له جرګې نه یوه مثبته نتیجه ترلاسه کول د تاوتریخوالي د کمښت او د بینالافغاني خبرو د ژر تر ژره پیل په معنی ده.
خلیلزاد هیله څرګنده کړې چې د جرګې ګډونوال خپلو بحثونو کې بریالي شي او له ګډونوالو یې غوښتنه کړې چې د هغو کسانو په وړاندې ودرېږي چې اوسنی حالت غواړي او سولې ته د رسېدو لاره پېچلې کوي.
د امریکا د بهرنیو چارو وزارت هم په یوه خبرپاڼه کې د جرګې رابلل ستایلي او ویلي یې دي، دوی پوهېږي چې ګډونوال بهیې د پاته طالب زندانیانو پر خوشې کېدو مصلحت وکړي.
دا جرګه چې نن د درېیو ورځو په مخه پيلېږي، شاوخوا درې زره کسان پهکې برخه اخلي.
ایا د سولې مشورتي لویه جرګه به افغان حکومت خپل هدف ته ورسوي؟
په پام کې ده چې نن په کابل کې په یوه مشورتي لویه جرګه کې د ۴۰۰ طالب بندیانو د خوشې کېدو په اړه بحث وشي.
دا جرګه د پرېکړو صلاحیت نهلري او لکه چې نومیې مشورتي دی یوازې ولسمشر ته سلا مشورې ورکوي.
د پنځه زره طالب بندیانو له ډلې د ۴۰۰ کسانو د خوشې کولو مسئله وروسته له هغه لانجمنه شوه چې افغان حکومت وویل دې کسانو لوی جرمونه کړي او حکومتیې د خوشې کولو صلاحیت نهلري.
طالبانو دا جرګه رد کړې او د حکومت ځینو منتقدانو هم فرمایشي لویه جرګه بللې ده.
احمد تکل د دې جرګې د مشورو د مشروعیت په اړه د کابل پوهنتون د حقوقو او سیاسي علومو د پوهنځي د استاد نصرالله ستانکزي نظر پوښتلی.
ښاغلی ستانکزی لومړی دې پوښتنې ته ځواب وايي چې دا جرګه به ولسمشر او افغان حکومت هغه هدف ته چې دا جرګهیې ورته جوړه کړې ده ورسوي؟
د دې مرکې د اورېدو لپاره لاندې لېنک کېکاږئ:
