تازه راپورونه ښیي چې د ایران حکومت د کرونا ویروس اړوند پېښو او مړینو په اړه معلومات پټ کړي دي.
بي بي سي ته په دې وروستیو کې په دې اړه د یوې بېنومه سرچینې لهخوا د ایران د حکومت شمېرې استول شوې دي.
دا نوې شمېرې ښیي د جولای تر ۲۰مي پورې په ایران کې د کرونا ویروس له کبله نږدې ۴۲ زره کسان مړه شوي دي.
د ایران د روغتیا وزارت دا شمېرې ۱۴ زره او ۴۰۵ ښودلې وې.
ایران یو له هغو هېوادونو دی چې د کرونا وبا د خپرېدو په لومړیو میاشتو کې یادې ناروغۍ ډېر ځپلی دی. له وړاندې هم د ایران پر حکومت انتقادونه کېدل چې رښتونې شمېرې پټوي.