نن مازدیګر ۰۶:۴۰ دقیقې د ننګرهار محبس مخې ته موټر بم چاودنه شوې او بریدګر محبس ته مخامخ د شرق مارکېټ ته ننوتي او له هغه ځایه افغان ځواکونو سره په جګړه نښتي دي.
د ننګرهار ولایت د والي ویاند عطاءالله خوګیاڼی پېښه تأییدوي او وایي، یاده پېښه کې تر اوسه یو تن وژل شوی او ۱۸ تنه زخمیان دي چې په خبرهیې ټول ملکي وګړي دي.
خو د ننګرهار د عامې روغتیا ریاست ویاند ظاهر عادل ازادي راډیو وویل چې تر دې دمه سیمهییز روغتون ته ۲۳ ټپیان او جسد وروړل شوي دي.
بلخوا د وسلهوالو طالبانو ویاند ذبیحالله مجاهد رسنیو ته وویل، دا برید دوی پورې اړه نهلري.
کورنیو چارو وزارت: ننګرهار کې موټر بم او ډلهییز برید ۳ تنه وژلي او ۵ ټپيان دي
د افغانستان د کورنیو چارو وزارت ویاند طارق ارین وايي "وسلهوالو حمله کوونکو نن شااوخوا ۰۶:۴۵ دقیقې د ننګرهار محبس په دروازه کې یو موټر بم ته چاودنه ورکړه او وروسته له امنیتي ځواکونو سره نښته پيل کړه. د لومړنیو معلوماتو پر بنسټ تر اوسه ۳ تنه شهید شوي او ۵ تنه نور ټپيان شوي دي."
تازه: ننګرهار کې وسلهوال برید ۲ تنه وژلي او ۲۴ نور ټپيان دي
د ننګرهار د والي ویاند عطاءالله خوګیاڼی وايي: "نن ماښام شاوخوا شپږ نيمې بجې ننګرهار محبس ته څېرمه موټر بم ترورېستي بريد شوی چې له املهيې دوه ملکي وګړي شهيدان شوي او ۲۴ نور ټپيان دي. يو شمېر تښتېدلي بنديان هم بېرته نيول شوي."
تازه: ننګرهار کې لا هم حمله پای ته نهده رسېدلې
د ننګرهار په مرکزي محبس برید ۱۲ ساعته وروسته لا هم پای ته نهدی رسېدلی او د ډزو غږونه اورېدل کېږي.
دغه برید چې مسؤلیتیې داعش ډلې منلی دی، تېره ورځ ماښام ۶ بجې او ۴۰ دقیقې پیل شو.
د ننګرهار د عامې روغتیا ریاست ویاند ظاهر عادل ازادي راډیو ته په یوه رالېږلي لیکلي پیغام کې وایي چې تر دې دمه ۴۲ تنه ټپیان او ۵ جسدونه د دغه ولایت سیمهییز روغتون ته وروړل شوي چې په خبرهیې ټول ملکي وګړي دي.
عادل وایي، دا وروستي ارقام نهدي او کېدای شي چې تغییر وکړي.
د یادونې وړ ده چې د پېښې په ځای کې اوس هم خال خال ډزې شته او د افغان ځواکونو تصفیوي عملیات روان دي.
د پېښې سیمه د افغان ځواکونو لهخوا کلابنده ده او هېڅچا ته په شااوخوا لارو، کوڅو او سړکونو د تګ راتګ اجازه نهورکول کېږي.