د لاسرسۍ وړ لېنکونه

تازه خبر
پنجشنبه ۱۰ تله ۱۳۹۹ کابل ۰۴:۵۰

د امریکا د ولسمشر د ملي امنیت سلاکار په کرونا ویروس اخته شوی


د امریکا د ولسمشر د ملي امنیت سلاکار رابرت اوبراین

د امریکا د ولسمشر د ملي امنیت سلاکار رابرت اوبراین په کرونا ویروس اخته شوی دی .

دی د امریکا متحده ایالاتو تر ټولو لوړ پوړی چارواکی دی چې په کویډ ۱۹ ناروغۍ اخته شو.

سپیني ماڼۍ د جولای پر ۲۷ مه وویل چې ۵۴ کلن اوبراین د کرونا لږ علایم لري او له همدې کبله له یوه خوندي ځای څخه چې په کې قرنطین دی ،خپل کار کوي.

د سپینې ماڼۍ په اعلامیې کې ویل شوي چې ولسمشر ډونالډ ټرمپ او مرستیال ولسمشر مایک پنس ته د دې ناروغي خطر متوجه نه دی.

اعلامیه زیاتوي د ملي امنیت شورا د سلاکار دنده به هم له کوم خنډ پرته دوام وکړي.

بلومبرګ د یوې سرچینې په حواله ویلي چې اوبراین یوه اونۍ له کاره لیرې و او په یوه کورني مراسمو کې تر ګډون وروسته په دې ویروس اخته شو.

په امریکا کې د کرونا ویروس مثبتې پېښې تر څلور میلیونه او دوه سوه زره اوښتي دي او شاوخوا ۱۴۷ زره کسان ترې مړه شوي دي.

XS
SM
MD
LG