د چین په شینجین ولایت کې چارواکي وایي، د کرونا ویروس له ناڅاپي زیاتوالي سره مبارزې جنګي حالت ته ورته وضعیت رامنځته کړی.
دغلته نن د جولای په ۱۹مه د کرونا ۱۷ مثبتې پېښې ثبت شوي، ۲۳ مشکوکې پېښې پېژندل شوي او ۲۶۹ نور کسان تر څارنې لاندې راغلي.
د شینجین مرکز اورمچي کې ښار د جولای په شپاړسمې نېټې بند شوی او الوتنې او ټرینونه ځنډول شوي دي.
د چین د روغتیا مسئولان وایي، دا مهال په ټول هېواد کې د کرونا ۲۵۲ فعالې پېښې شته.
کرونا ویروس لومړی ځل په تېره ډېسېمبر میاشت کې د چین په وهان کې رامنځته شو چې تر دې دمه یې په ټوله نړۍ کې شاوخوا شپږ لکه کسان مړه کړي دي.