د افغانستان روغتیا وزارت وايي په تېرو ۲۴ ساعتونو کې په هېواد کې د کرونا ویروس ۲۷۶ نورې مثبتې پېښې ثبت شوې دي.
دغه وزارت نن رسنیو ته په یوه لېږلي معلوماتي پاڼه کې ویلي، په دې موده کې ۸ کسان مړه شوي او ۱۳۲ تنه نور روغ شوي دي.
له دې سره د وزارت په حواله په افغانستان کې د کرونا ویروس مثبتې پېښې ۳۰ زره ۴۵۱ او د مړو شمېر په ټوله کې ۶۳۸ ته ورسېد.
روغتیا وزارت خلکو ته سپارښتنه کړې چې له دغه ویروس څخه د خوندیتوب لپاره لاسونه په وار وار په صابون پرمینځي، له نورو خلکو لږترلږه یو متر فاصله وساتي او خپله خوله او پوزه په ماسک وپوښي.