د راپورونو له مخې پرون دوشنبې د هند په پلازمینه نوې ډیلي کې یوه افغان ځوان ځان وواژه.
تر دې مخکې د هند په احمد آباد ښارکې یوه بل افغان محصل ورته عمل سرته رسولی و.
افغان مدني فعال نثاراحمد شیرزی چې په هند کې اوسي او د افغانانو د ستونزو د هواري لپاره هڅې کوي، وایي چې دواړو افغانانو د هغو ستونزو له کبله چې ټول افغانان که هغه افغان محصلین دي یا پناه غوښتونکي ورسره مخامخ دي، ځانونه وژلي دي.
د هغه په وینا د افغانستان د لوړو زده کړو وزارت تر اوسه د محصلینو ستونزو ته هېڅ پام نه دی کړی او د ملګروملتونو د کډوالو د ادارې، یوان ایچ سي آر دفتر هم د افغان پناه غوښتونکو درخواستونه ډېر په ځنډ څېړي.
له ښاغلي شیرزي سره نوریاس نوري مرکه کړې او لومړی یې په هند کې د مېشتو افغانانو د عمده ستونزو په اړه ترې پوښتنه کړې ده چې د لاندې لینک په کېکاږلو سره یې اورېدلی شئ:
