د لاسرسۍ وړ لېنکونه

تازه خبر
شنبه ۲۱ چنګاښ ۱۳۹۹ کابل ۱۱:۲۸

کابل کې د امریکا سفارت یو شمېر کارکوونکي په کرونا ویروس اخته شوي


ارشیف، په کابل کې د امریکا سفارت

په کابل کې د امریکا سفارت ومنله چې یو شمېر کارکوونکي یې په کرونا ویروس اخته شوي دي.

د دغه سفارت یوه ویاند ازادي راډیو ته وویل، دوی د سفارت دننه په کرونا ویروس د یو شمېر ډيپلوماتانو، قراردادیانو او محلي کارکوونکو له اخته کېدو خبر دي.

د سفارت دغې سرچینې زیاته کړې، د سفارت چارې داسې تنظیم شوي چې ټولو کارځایونو کې به‌یې د ویروس ضد مواد کارېږي چې د ویروس د نورې خپرېدا مخنیوی وکړي.

په ویروس د اخته شویو دې کسانو شمېر نه‌دی ښودل شوی، خو اسوشیټډ پرس د یوه چارواکي په حواله چې نوم‌یې نه دی یاد شوی ویلي، د سفارت شااخوا ۲۰ کارکوونکي په کرونا اخته شوي چې ډېر یې هغه نیپالیان دي چې د امنیت ساتنې دنده لري.

مخکې له دې د امریکا د بهرنیو چارو وزارت کابل کې یې د سفارت د یو شمېر کارکوونکو په کرونا ویروس اخته کېدل تأیید کړي ول.

د امریکا د بهرنیو چارو وزارت ویلي، سفارت‌یې د کرونا د مخنیوي لپاره ټول مناسب اقدامات پلي کوي.

اخته شوي کسان د سفارت دننه په انزوا کې ساتل کېږي.

XS
SM
MD
LG