د لاسرسۍ وړ لېنکونه

تازه خبر
چهارشنبه ۱۸ چنګاښ ۱۳۹۹ کابل ۰۳:۱۲

افغانستان کې په کرونا ویروس د اخته کسانو شمېر ۲۵،۵۲۷ کسانو ته ورسېد


ارشیف، په افغان-جاپان روغتون کې په کرونا ویروس اخته کس د درمنلې پر مهال.

د افغانستان عامې روغتیا وزارت وایي په تېرو ۲۴ ساعتونو کې په ټول هېواد کې د کرونا ویروس ۳۶۵ نوې مثبتې پېښې ثبت شوې دي.

د دغه وزارت چارواکي وایي په تېرو ۲۴ ساعتونو کې د څه باندې ۱،۵۰۰ کسانو د کرونا ویروس ازموینې اخیستل شوې دي.

د دغه وزارت د معلوماتو له مخې چې له رسنیو سره‌یې شریک کړي په همدې موده کې ۷ تنه له 'کووېډ-۱۹' ناروغۍ څخه مړه شوي دي.

په افغانستان کې د کرونا ویروس د خپرېدو له پیله چې د تېر کال د کب میاشتې راهیسي پیل شوي، ټولټال ۲۵ زره او ۵۲۷ تنه په کرونا ویروس اخته شوي دي، خو ویل کېږي چې رښتونې شمېرې ښایي تر دې ډېرې زیاتې وي.

XS
SM
MD
LG