د روسیې ولسمشر ولادیمیر پوتین ویلي، دوی د امریکا په پرتله له کرونا سره ښه مبارزه کړې او هغه هېواد کې د کرونا ویروس پېښې کمې دي.
پوتین دغه څرګندونې پرون داسې مهال وکړې چې روسیه کې د کرونا ویروس د اصلي شمېرو په اړه ځینې پوښتنې مطرح شوې.
روسیې تراوسه د کویډ-۱۹ ناروغۍ له کبله د شاوخوا ۷ زره کسانو مړینه تایید کړې، دا چې دغه هېواد کې څه باندې یو میلیون کسان په کرونا اخته دي، د مړینې رسمي شمېر یې له واقعیت نه لرې معلومېږي.
د جان هاپکنز پوهنتون شمېرې ښيي چې تر پرون یکشنبې پورې په ټوله نړۍ کې په کرونا د اخته شویو کسانو شمېر څه باندې ۷ میلیونه او ۸ لکو ته ورسېد.
له دې کبله د ۴۳۱ زره کسانو د مړینې خبر ورکول شوی دی.