امریکا متحده ایالات روسیې ته د تنفس ۲۰۰ مصنوعي دستګاوې یا وېنټېلېټر ورکوي.
امریکا وروسته له هغه د دې مرستې ژمنه وکړه چې په روسیه کې په کرونا ویروس د اخته خلکو شمېر بېخي زیات شو.
د امریکا ولسمشر ډونالد ټرمپ بېګا له خپل روسي سیال ولادیمیر پوتین سره په ټیلیفون خبرې کړي او هغه تهیې ویلي چې امریکا له روسیې سره د تنفس د مصنوعي دستګاوو مرسته کوي.
د تنفس مصنوعي دستګاوې په کرونا ویروس هغو اخته ناروغانو ته لګول کېږي چې وضعهیې خرابه وي او په طبیعي توګه د تنفس اخیستلو وس نهلري.
د تنفس دا مصنوعي دستګاوې په اکثرو هېوادونو کې نهشته او د راپورونو په اساس ډاکتران له مجبورۍ دا دستګاوې له زړو کسانو ځوانانو ته لګوي.
په روسیه کې په کرونا ویروس د اخته خلکو شمېر دوه لکه او ۸۲ زرو ته رسېدلی چې له ډلې یې نږدې ۲۷۰۰ کسان مړه شوي.
روسیه تر امریکا وروسته په کرونا ویروس د اخته خلکو دوهم لوړ شمېر لري، خو د مړو په لحاظ لا په ټيټو درجو کې ده.