ناټو وايي چې افغانستان د کرونا ویروس پر ضد د مبارزې په چاره کې له دې ټلوالې څخه د نړیوالو د مرستې غوښتنه کړې.
په بروکسل کې د ناټو مقر په یو بیان کې چې پرونیې پر خپله رسمي وېبپاڼه خپور کړ ویلي دي چې د بېړنیو چارو پر ضد د اتلانتیک-اروپا د مبارزې څانګې ته په ناټو کې د افغانستان د مأموریت لهخوا د د روغتیا د وزارت په استازیتوب له کرونا ویروس سره د مبارزې په چاره کې له دې هېواد سره د نړیوالو مرستو غوښتنه رسېدلې ده.
په داسې حال کې چې په افغانستان کې په 'کووېډ-۱۹' ناروغۍ د اخته کسانو شمېر پرون د غويي په څلورمه نېټه ۱۲۲۶ او د مړو شمېره ۴۰ ته ورسېده د روغتیا وزارت چارواکي د طبي وسایلو د کمښت له ستونزو شکایت کوي.
په همدې حال کې د چین لهخوا د کرونا ویروس پر ضد د ځانګړو تجهیزاتو د مرستې دوهمه جوپه پرون د افغانستان عامې روغتیا وزارت ته وسپارل شوه.