د ملګرو ملتونو عمومي منشي انتونیو ګوترش نن خبرداری ورکړ چې د نړۍ حکومتونه دې د کرونا ویروس په وړاندې د مبارزې په نوم ځپونکي اقدامات نهکوي.
هغه وویل کرونا د خلکو په مبتلا کولو کې تبعیض نهکوي، خو دولتونه د دې ویروس د اغېزو په خاطر تبعیض قایلېږي.
ګوترش ټینګار وکړ چې تر کرونا وروسته د وضعیت د سمولو لپاره پهکار ده چې ټول لاس سره ورکړي او سلګونه میلیارده ډالره ولګوي.
د جانز هاپکنز پوهنتون د شمېرو له مخې په ټوله نړۍ کې ۲ میلیونه او شپږ لکه ۲۹ زره کسان په کرونا ویروس اخته دي چې له ډلې یې څه باندې یو لک او ۸۳ زره کسان مړه شوي او د هغو کسانو چې درملنهیې شوې شمېر له اووه لکو او ۲۲ زرو کسانو اوړي.