د افغانستان د عامې روغتیا وزارت وایي، تېرو ۲۴ ساعتونو کې دغه هېواد کې د کرونا ۷۰ مثبتې پېښې ثبت شوې دي.
د دغه وزارت ویاند وحید مایار وایي، د دغو پېښو له ډلې ۳۱ په کابل، ۲۲ په هرات، ۳ په کندهار، ۳ په غزني، ۲ په میدان وردک، ۲ په کونړ، ۲ په ننګرهار، ۱ په فاریاب، ۱ په ارزګان، ۲ په نیمروز او ۱ په بغلان ولایت کې رامنځته شوي.
له دې سره په افغانستان کې د کرونا د مثبتو پېښو شمېر ۷۸۴ ته پورته شو.
تر پرون ورځې پورې له دې امله د مړو شویو افغانانو شمېر ۲۳ ښودل شوی و.
د کرونا ویروس د مخنیوي لپاره په اکثرو ښارونو کې ګرځبندیز لګېدلی دی او یو شمېر ښارونو کې نوی دغه ګام پلی کېږي.
له دې ډلې نن په کندهار ښار کې د خلکو په ګرځېدو کلک بندیز ولګېد.