د لاسرسۍ وړ لېنکونه

تازه خبر
سه شنبه ۲۹ تله ۱۳۹۹ کابل ۰۶:۴۰

د امریکا او طالبانو ترمنځ "افغانستان ته د سولې راوستلو تړون" لاسلیک شو

د امریکا او طالبانو ترمنځ "افغانستان ته د سولې راوستلو تړون" د زلمي خلیل‌زاد او ملا برادر له‌خوا لاسلیک شو.​​


د افغان سولې لپاره د امریکا د ځانګړي استازي زلمي خلیل‌زاد او په قطر کې د طالبانو د سیاسي دفتر مشر ملا برادر

لنډيز

د امریکا او طالبانو ترمنځ "افغانستان ته د سولې راوستلو تړون" د افغان سولې لپاره د امریکا د ځانګړي استازي زلمي خلیل‌زاد او په قطر کې د طالبانو د سیاسي دفتر مشر ملا برادر له‌خوا لاسلیک شو.

د امریکا د بهرنیو چارو وزیر مایک پومپیو هم په دغو مراسمو کې ګډون درلود.

روېټرز خبري اژانس د طالب چارواکو په حواله ویلي چې د دوی ۳۱ کسیز هیئت هم دغو مراسمو کې د ګډون لپاره دوحې ته رسېدلی دی.

دوی دا نه‌دي ویلي چې دا هیئت‌یې له کومه ځایه دوحې ته تللی، خو د طالبانو ډېر مشران د پاکستان په کوټه او پېښور کې مېشت دي.

همدارنګه د ملا عبدالغني برادر په مشرۍ د طالبانو د سیاسي دفتر غړي لا دمخه په دوحه کې دي چې نن به له امریکايي لوري سره دا تړون لاسلیک کړي.

که څه د دواړو لورو ترمنځ د لاسلیک کېدونکي تړون جزئیات څرګند نه‌دي، خو چارواکي وایي له مخې به‌یې په لنډ وخت کې افغانستان کې د امریکايي سرتېرو شمېر شااوخوا اته زرو ته راکم شي او طالب لوری به امریکا ته ډاډ ورکوي چې تر واک لاندې سیمو څخه به‌یې پر امریکا او متحدانو بریدونه نه‌کېږي.

۱۸:۰۰ ۱۰.۱۲.۱۳۹۸

د افغانستان د ملي امنیت سلاکار حمدالله محب وايي، دوی د طالبانو او امریکا ترمنځ د لاسلیک کېدونکې هوکړې له جزئیاتو خبر دي، خو د دې هوکړې له ځینو مواردو سره له تخنیکي پلوه موافق نه‌دي.

ښاغلي محب چې د شنبې په ورځ په کابل کې خبریالانو ته خبرې کولې، د بېلګې په توګه په هوکړه کې د طالب لوري له‌خوا د اسلامي امارت یادونې ته ګوته ونیوله.

ښاغلی محب زیاتوي: "طالبان ادعا لري او په تړون کې یې هم خپل نوم د اسلامي امارت په توګه یاد کړی، که څه هم چې په قوس کې ورسره یاده شوې چې امریکا دا امارت په رسمیت نه‌پېژني، خو موږ د طالبانو د امارت له ذکر سره موافق نه‌یوو باید د طالبانو د تحریک په نوم یاد شوی وی. داسې موارد زیات دي چې له تخنیکي پلوه ورسره موږ موافق نه‌یوو."

د ښاغلي محب په وینا دوی غواړي ووايي چې د دوی د هوکړې له ټولو جزئیاتو خبر دي او له یو شمېر مواردو سره‌یې موافق نه‌دي. د نوموړي په وینا د امریکا سره به په نننۍ ګډه اعلامیه کې دې مسئلې ته اشاره وشي.

د افغانستان د ملي امنیت سلاکار په وینا د امریکا د دفاع وزیر مارک اسپر سره د افغان ولسمشر غني نننۍ ګډه اعلامیه به د امریکا او طالبانو تر هوکړې وروسته د افغان حکومت امریکا او ناټو د همکاریو د راتلونکي، څرنګوالی روښانه کړي.

۱۷:۵۹ ۱۰.۱۲.۱۳۹۸

۱۷:۴۲ ۱۰.۱۲.۱۳۹۸

په قطر کې د طالبانو د سیاسي دفتر مشر ملا برادر: له ټولو افغاني اړخونو هیله کوم چې د یوه قوي اسلامي نظام د جوړېدو لپاره مذاکراتو ته راوړاندې شي.

۱۷:۳۷ ۱۰.۱۲.۱۳۹۸

د امریکا د بهرنیو چارو وزیر مایک پومپیو په دوحه کې د وینا پر مهال: غواړو افغانستان په یوه سوله‌ییز هېواد بدل شي.

نور راوښيه

XS
SM
MD
LG