د لاسرسۍ وړ لېنکونه

تازه خبر
جمعه ۲۴ زمری ۱۳۹۹ کابل ۰۹:۰۵

اشرف غني د ولسمشرۍ ټاکنو باورلیک ترلاسه کړ


افغان ولسمشر محمد اشرف غني د باورلیک د ترلاسه کولو پر مهال.

افغان ولسمشر محمد اشرف غني د ولسمشرۍ ټاکنو باورلیک ترلاسه کړ.

ښاغلي غني دغه باورلیک چهارشنبه ماښام «۱۳۹۸ کال د سلواغې ۳۰» په ټاکنو کمېسیون کې په دې اړه جوړو شویو مراسمو کې د دغه کمېسیون د مشرې حوا علم نورستانۍ له‌خوا ترلاسه کړ.

ښاغلي غني په دغې غونډه کې له ټولو هغو کسانو چې د افغانستان په ولسمشرۍ ټاکنو کې یې ګډون کړی وو مننه وکړه او ویې‌ویل د خلکو خدمت ته ژمن دي.

ولسمشر غني د باورلیک ترلاسه کولو غونډې ته د وینا پر مهال.
ولسمشر غني د باورلیک ترلاسه کولو غونډې ته د وینا پر مهال.

ښاغلي غني زیاته کړه: "نه وېش ته راغلي یو نه د تصفیې لپاره، خلکو ته د خدمت لپاره ژمن یو."

د افغانستان د ټاکنو خپلواک کمېسیون مشرې حوا علم نورستانۍ په دغې غونډه کې وویل چې "ولسمشرۍ ټاکنې یې په سختو شرایطو او د اساسي قانون او انتخاباتي قانون په چوکاټ کې ترسره کړې دي".

د ټاکنو خپلواک کمېسیون مشره حوا علم نورستانۍ ولسمشر غني ته د باورلیک ورکولو غونډې ته د وینا پر مهال.
د ټاکنو خپلواک کمېسیون مشره حوا علم نورستانۍ ولسمشر غني ته د باورلیک ورکولو غونډې ته د وینا پر مهال.

د ټاکنو خپلواک کمېسیون د سې شنبې په ورځ د افغانستان د ولسمشرۍ ټاکنو پایلې له نږدې ۵ میاشتو ځنډ وروسته اعلان کړې.

دغه کمېسیون محمد اشرف غني د ۵۰،۶۴ سلنه رايو په ترلاسه کولو سره د ولسمشرۍ ټاکنو ګټونکی او د افغانستان "منتخب ولسمشر" اعلان کړ.

د ټاکنو خپلواک کمېسیون د اعلان پر بنسټ د "ثبات او هم‌پالنې" ټاکنیزې ډلې مشر عبدالله عبدالله د ۳۹،۵۲ سلنه رایو په ترلاسه کولو سره دوهم او د "سولې او اسلامي عدالت" ډلې مشر ګلبدین حکمتیار په درېیم ځای کې راغلي دي.

ولسمشر غني ته د باورلیک ورکولو غونډه.
ولسمشر غني ته د باورلیک ورکولو غونډه.

خو د ولسمشر غني سیال عبدالله عبدالله دا اعلان ناقانونه وباله او د یوه "ټول‌شموله حکومت" د جوړولو اعلان‌یې وکړ.

XS
SM
MD
LG