د لاسرسي لېنکونه

تازه خبر
پنجشنبه ۲ لړم ۱۳۹۸ کابل ۰۲:۲۰

راشدخان د ګینس په نړیوالو ریکارډونو کې دده نوم ثبتېدل لوی ویاړ بللی


Rashid Khan Afghanistan cricket player

د افغانستان د کرکټ ملي لوبډلې کپتان راشد خان ارمان د ګینس په نړیوالو ریکارډونو کې دده د نوم پر ثبتېدو خوښي ښوولې ده.

نوموړي دغه لاسته راوړنه لوی ویاړ بللی او پر خپل ټویټرپاڼې یې د ټولو له ملاتړ او مینې مننه کړې ده.

راشد خان د تر ټولو کم عمره کرکټ لوبغاړي په توګه د ډېرو ویکټو په اخیستلو دغه ریکارډ ثبت کړی دی.

راشد خان په ټوله نړۍ کې یواځنی لوبغاړی دی چې له شل کلنۍ وړاندې یې په نړیوال کرکټ کې ټول ټال ۱۷۶ ویکټې اخیستي دي.

په ګینس کې د هغه د ریکارډ ثبتېدو خبر پرون خپور شو.

د افغانستان دغه ورو توپ اچوونکي ۱۱۰ لوبغاړي په نړیوالو یو ورځینو لوبو او ۶۴ په نړیوالو شل اوریزو لوبو کې سوځولي او همداراز دوه ویکټې یې په ټسټ لوبو کې اخیستې دي.

XS
SM
MD
LG