د لاسرسي لېنکونه

شنبه ۳۰ وږی ۱۳۹۸ کابل ۰۸:۲۰

د افغانستان تر ۱۹ کلنو د کم عمرو لوبډلې پاکستان ته ماته ورکړه


د افغانستان تر ۱۹ کلنو کم عمره کرکټ ملي لوبډلې په اسیايي جام سیالیو کې پاکستان ته په لوی توپير ماته ورکړه.

د دغې لوبې پچه پاکستانۍ لوبډلې وګټله، خو افغان لوبډلې ته یې د توپ وهنې بلنه ورکړه چې افغان ځوانانو په ۴۶ اورونو کې یې د ۹ لوبغاړو په زیان سره خپلې سیالې لوبډلې ته د ۱۶۲ منډو هدف وټاکه.

په ځواب کې د پاکستان تر ۱۹ کلنو کم عمره ملي لوبډلې په شلو اورونو کې د ټولو لوبغاړو په زیان سره ۷۸ منډې جوړې کړې او لوبه یې د ۸۵ منډو په توپیر بایلوده.

شفیق الله غفاري چې د افغان لوبډلې په ګټه یې د سیالې لوبډلې درې لوبغاړي وسوځول، د لوبې غوره لوبغاړی وټاکل شو.

د افغانستان تر ۱۹ کلنو کم عمره ځوانانو لوبډله به په اسیا جام سیالیو کې خپله دوهمه لوبه د سپټمبر میاشتې په ۷مه نېټه د کوېټ پر وړاندې ترسره کړي.

XS
SM
MD
LG