د افغانستان د کورنیو چارو وزارت ویاند نصرت رحیمي وايي، نن شپه ۰۹:۵۵ دقیقې د کابل ښار د نهمې حوزې په مربوطاتو کې ګرین ولېج ته نږدې موټر بم چاودنه شوې ده.
ښاغلی رحیمي زیاتوي، موټر بم چاودنې سره هممهاله په سیمه کې د تېلو یو ټانک هم چاودنه کړې او اور یې اخیستی دی.
د افغانستان د کورنیو چارو وزارت ویاند نصرت رحیمي په دې اړه چې له موټر بم چاودنې وروسته یو شمېر حمله کوونکو نښته پیل کړې، راپورونه ردوي.
ښاغلی رحیمي زیاتوي چې د دغې پېښې د مرګ ژوبلې په اړه به وروسته جزئیات شریک کړي.
وسلهوالو طالبانو د دغي پېښې مسؤلیت منلی دی.
د افغانستان د کورنیو چارو وزارت وياند نصرت رحيمي وايي، د کابل ښار د نهمې حوزې اړوند سيمه کې د نن شپې موټر بم چاودنې ۵ تنه وژلي او ۵۰ نور ټپیان کړي دي.
ښاغلی رحیمي زياتوي چې دغه موټر بم ته په استوګنيزه سيمه کې چاودنه ورکړل شوې، ټول مړه او ټپيان ملکي وګړي دي او د شمېر د زياتوالي احتمال شته.
د افغانستان د کورنیو چارو وزارت ویاند نصرت رحیمي وايي، د ګرین ولېج کمپ پر لوېدیځ دېوال د تېرې شپې په ټراکتور بم چاودنه کې ۱۶ ملکیان وژل شوي او ۱۱۹ نور ملکي وګړي ټپیان دي.
ښاغلی رحیمي زیاتوي چې امنیتي ځواکونو په سیمه کې ۵ پټ شوي برید کوونکي چې غوښتلیې پر دغه کمپ برید وکړي لهمنځه وړي او ۴۰۰ بهرني اتباعیې د پېښې له سیمې ژغورلي دي.