په کابل کې تېر ماخوستن په يوه هوټل کې د واده د مراسمو پر مهال چاودنه وشوه.
چارواکي وايي چاودنه تېره شپه پر ۱۰:۴۰ دقیقو د دارالامان پر سړک د شهر دُبی په نوم هوټل کې وشوه.
اسوشیټډ پرس خبري اژانس خبر ورکړى چې په واده کې شااوخوا ١٠٠٠ کسان حاضر و.
د کورنيو چارو وزارت وياند نصرت رحيمي پر خپله فېسبوک پاڼه ليکلي چې چاودنه د زوم سټېج ته نږدې شوې ده او په لسګونه کسانو تهيې مرګ ژوبله اړولې ده.
د جمهوري رياست وياند صديق صديقي په ټويټر کې دا چاودنه د افغانانو پر ضد يو ناوړه جنايت بللى دى.
د وژل شويو او ټپيانو کره شمېر لا معلوم نهدى.
د افغانستان د کورنیو چارو وزارت ویاند نصرت رحیمي وايي، د کابل ښار په شهر دبی هوټل کې د تېرې شپې په چاودنه کې ۶۳ تنه وژل شوي او ۱۸۲ تنه ټپیان دي.
ښاغلی رحیمي زیاتوي چې د مړو او ټپیانو په ډله کې ښځې او ماشومان هم دي.
وسلهوالو طالبانو په دغې چاودنه کې لاس لرل رد کړي دي.
د کابل د ودونو په یوه سالون کې د تېرې شپې په چاودنه کې د وژل شویو کسانو شمېر ۶۳ ته رسېدلی دی.
همداراز په دې پېښه کې ۱۸۲ تنه نور ژوبل شوي دي.
چاودنه د شپې په ۱۰:۴۰ دقیقې د دارالامان واټ په شهر دوبۍ هوټل کې وشوه.
د چاودنې په مهال په هوټل کې شااوخوا زر تنه حاضر ول.
د ولسمشر غني ویاند صدیق صدیقي وايی چې دا چاودنه د افغانانو دښمنانو کړې ده.
د پېښې يوه عيني شاهد احمد امېد اسوشیټډ پرس خبري اژانس ته وويل: "د چاودنې په وخت کې په هوټل کې نږدې ١٢٠٠ کسان حاضر وو. زه خپله د صحنې شاهد يم. موږ په نکاح خونه کې وو، چې ناڅاپه چاودنه وشوه، پوه نهشوو چې څه شوي دي."
تر اوسه پورې د دولت کومې وسلهوالې مخالفې ډلې د دې برید مسؤلیت په غاړه نهدی اخیستی.
په همدې حال کې د افغانستان ولسمشر محمد اشرف غني دا برید په کلکه غندلی او هغهیې د بشریت پر ضد تر ټولو ناوړه جنایت بللی دی.
دا ډول بریدونه تر دې پخوا د دولت وسلهوالو مخالفو ډلو کړي دي، خو ولسمسر غني بې له دې چې د کومې ډلې نوم واخلي، ویلي چې دا ډول بریدونه د یوې ترهګرې ډلې چې د افغانانو وژلو تهیې ملا تړلې ده، د بېرحمۍ ښکارندويي کوي.
ده همداراز ویلي چې د نن ورځې لپاره خپلې کمپایني غونډې دروي او د هېواد د امنیتي وضعیت د څېړلو لپاره ځانکړې امنیتي غونډه رابولي.