د امریکا د بهرنیو چارو وزیر مایک پامپیو وایي، ولسمشر ټرمپ غواړي چې د امریکا او د هغې د متحدانو د ځواکونو شمېر د راتلونکي کال تر نومبر پورې چې د امریکا د ولسمشرۍ انتخابات دي، کم کړي.
پامپیو د دوشنبې په ورځ په واشنګټن کې دا خبره هم وکړه چې له طالبانو سره د سولې په خبرو کې رښتونی پرمختګ شوی دی.
په قطر کې د طالبانو د سیاسي دفتر ویاند سهیل شاهین ازادي راډیو ته نن وویل چې د اګسټ په لومړۍ اوونۍ کې به د زلمي خلیلزاد په مشرۍ له امریکايي پلاوي سره د سولې خبرې پیل شي.
د امریکا د استخباراتي ادارې «سي ای اې» مرستيال رئیس مایکل موریل ويلي چې امریکا له افغانستانه د وتلو پر مهال د خپل نوم ساتلو په خاطر له طالبانو سره مذاکرات کوي.
ده دا هم ویلي چې طالبانو تل دا هڅه کړې ده چې ټول افغانستان ونيسي او دا هېواد د همدې ډلې تر تسلط لاندي وي.
په دې اړه ملالۍ بشير د سیاسي چارو له کارپوهانو انتظار خادم و مرزا محمد یارمند سره خبرې کړي.
په سر کې یې د دې موضوع په اړه د دوی تحلیل پوښتلی دی: