د لاسرسۍ وړ لېنکونه

تازه خبر
دوشنبه ۱ زمری ۱۴۰۳ کابل ۰۶:۳۹

نړۍ

امریکا: ايران به له نورو بنديزونو سره هم مخامخ شي

پامپيو
پامپيو

د امريکا متحده ايالاتو ويلي چې ايران به د ٢٠١٥ میلادي کال اټمي تړون له محدوديتونو هاخوا د خپل اټمي پروګرام د پر مخ بیولو له کبله له نورو بنديزونو سره مخامخ شي.

دا تړون چې د تهران او د نړۍ د ځواکمنو هېوادونو ترمنځ لاسليک شوى و، واشنګټن‌يې ملاتړ نه‌کوي.

د امريکا د بهرنيو چارو وزير مايک پامپيو پرون په ټويټر کې ليکلي: "د ايران له‌خوا د اټمي پروګرام تازه پراختيا به د نورې انزوا او بنديزونو سبب شي."

پامپيو دا هم ليکلي: "دولتونه بايد خپل هغه اوږدمهالى معيار بېرته اعاده کړي چې د ايران د اټمي پروګرام لپاره د يورانيمو غني کول منع کوي."

د پامپيو په خبره: "د ايران رژيم چې په اټمي وسلو سمبال دى، نړۍ ته به نور هم لوى خطر پېښ کړي."

ويل شوي چې مايک پامپيو به د ايران د وروستي اعلان په اړه د امريکا پر ممکنه اقدام نن په بهرنيو چارو وزارت کې يوه کنفرانس ته نور جزئيات ورکړي.

د ايران يوه دولتي وياند علي ربيعي پرون په تهران کې خبريالانو ته وويل چې هېواد يې د يورانيمو د غني کولو له هغه حده واوښت چې په اټمي تړون کې ورته مشخص شوى و.

بل‌خوا د ايران د بهرنيو چارو وزير جواد ظريف په ټويټر کې ليکلي، د تهران دا پرېکړه چې د يورانيمو غني کول به زياتوي، د هغه څه ځواب دى چې ده د امريکا "اقتصادي ترورېزم" وباله.

د ده اشاره هغو بنديزونو ته وه چې واشنګتن له اټمي تړونه په يو اړخیز ډول تر وتلو وروسته بېرته پر ايران لګولي دي.

د ورځې تازه خبرونه دلته ولولئ

حزب الله د اسراییلو په لور د راکټونو توغولو خبر ورکړی

د حزب الله جنګيالي
د حزب الله جنګيالي

د لبنان حزب الله ډله وايي٬ د یکشنبې په ورځ یې د اسراییلو په لور بې پیلوټه الوتکې یا ډرون او راکټونه توغولي دي.

دې ډلې ویلي دا کار یې د اسراییلو تر بریدونو وروسته کړی دی.

د فرانسې خبري اژانس د راپور له مخې اسراییل ویلي چې د دغه هېواد هوايي ځواکونو د یکشنبې په سهار د لبنان د حزب الله ډلې د وسلو دوه زېرمې تر برید لاندې ونیولې.

د اکټوبر له اوومې راهیسې چې د امریکا او اروپايي ټولنې له خوا ترهګر ګڼل شوې ډلې حماس پر اسراییلو برید کړی او اسراییلو یې په غچ کې په غزه باندې پراخ بریدونه پيل کړل، حزب الله ډلې تقریباً هره ورځ د حماس په ملاتړ د اسراییلو په لور ډزې کړي.

د فرانسې خبري اژانس د راپورونو له مخې په لبنان کې د اکټوبر له میاشتې راهیسې لږ تر لږه ۵۱۸ کسان وژل شوي.

اکثر وژل شوي وسله وال جنګیالي وو، خو ۱۰۴ ملکیان هم په کې شامل دي.

د اسراییلي چارواکو په خبره، ۱۸ اسراییلي عسکر او ۱۳ ملکیان هم په اسراییلو کې وژل شوي دي.

پاپ فرانسس: د پاریس المپیک به د نړۍ په بېلابېلو برخو کې د جګړو د اوربند سبب شي

د نړۍ د رومن کاتولیک عیسویانو مشر
د نړۍ د رومن کاتولیک عیسویانو مشر

د نړۍ د رومن کاتولیک عیسویانو مشر هیله څرګنده کړې چې د پاریس المپیک به د نړۍ په بېلابېلو برخو کې په روانو جګړو کې د اوربند سبب شي.

پاپ فرانسس نن په واتیکان کې په خپله اونیزه وینا کې د بېلابېلو سپورتونو له لوبغاړو وغوښتل چې ځوان نسل ته د سولې د پیغام رسوونکي او مثالونه شي.

هغه زیاته کړه، دی هیله‌من دی چې المپیک به له لرغوني دود سره سم په جګړو کې د اوربند د ټینګښت فرصت رامنځته کړي.

پاپ د اوکراین، غزې، میانمار او نورو جګړو یادونه وکړه او ویې ویل: "راځئ دا خبره هېره نه کړو چې جګړه د ماتې په معنا نه ده."

ټاکل شوې چې د پاریس د المپیک لوبې د شاوخوا لس نیم زره لوبغاړو او د څه باندې سلو هېوادونو د حکومتونو او دولتونو د مشرانو په حضور کې راروانه جمعه د جولای ۲۶مه د سین سیند پر غاړه د پرتمینو مراسمو په ترڅ کې پرانیستل شي.

د کییف ښاروال: ولودیمیر زیلینسکي له یو سخت سیاسي انتخاب سره مخامخ دی

د اوکراین ولسمشر ولودیمیر زیلینسکي
د اوکراین ولسمشر ولودیمیر زیلینسکي

د کییف ښاروال وايي، داسې مهال چې د امریکا د ولسمشرۍ انتخابات راروان دي ولسمشر ولودیمیر زیلینسکي له یو سخت سیاسي انتخاب سره مخامخ دی.

ویټالي کلیچکو له ایټالوۍ ورځپاڼې کوریر دېلا سېرا سره په مرکه کې پوښتنه کړې اوس باید معلومه شي چې آیا اوکراین به له نورو مړینو او ویجاړیو سره د روسیې پر ضد جګړې ته دوام ورکوي او که به د روسیې له ولسمشر ولادیمیر پوتین سره د ارضي تمامیت په مسئله کې سازش کوي؟

کلیچکو زیاتوي زیلینسکي چې هر ګام پورته کړي، په هر صورت به خپل سیاسي ژوند ته د پای ټکی ږدي.

د کلیچکو په وینا، دا احتمال شته چې زیلینسکي د دې ستونزې د حل لپاره عمومي ټولپوښتنه وکړي.

کلیچکو په دې مرکې کې دا یادونه هم کړې چې په دې اړه پرېکړه له مشروعیت پرته نه شې کېدلای.

پاکستاني چارواکو په فرانکفورت کې د دوی پر قونسلګرۍ د یوې افراطي ډلې برید وغانده

په اسلام اباد کې د پاکستان د بهرنیو چارو وزارت
په اسلام اباد کې د پاکستان د بهرنیو چارو وزارت

د پاکستان د بهرنیو چارو وزارت په یوه بیان کې ویلي چې د جرمني په فرانکفورت ښار کې د پاکستان پر قونسلګرۍ د یوې افراطي ډلې برید غندي.

په یوه بیان کې چې نن دې وزارت خپور کړ پر هغه څه چې د قونسګرۍ په خوندي ساتنه کې د جرمني چارواکو پاتې راتلل بلل شوي انتقاد شوی دی.

بیان د جرمني له حکومت څخه غواړي چې د پاکستان د ديپلوماتیک ماموریت او کارکوونکو د خوندیتوب لپاره سمدستي لازم تدابیر ونیسي.

پاکستان له جرمني څخه دا غوښتنه هم کړې چې په پرونۍ پېښه کې دخیل کسان ونیسي.

په یوه ویډیو کې چې پرون پر ټولنیزو شبکو خپره شوه یوه ډله په داسې حال کې لیدل کېږي چې د افغانستان درې رنګه بیرغ ورسره دی او په فرانکفورت کې د پاکستان قونسلګرۍ ته ننوځي او بیا د پاکستان بیرغ راپرې باسي.

د دې کار انګیزه تراوسه نه ده معلومه شوې.

په عین حال کې د پاکستان جیو نیوز شبکې نن راپور ورکړ چې د دې ویډیو له خپرېدو وروسته په جرمني کې یو شمېر کسان نیول شوي دي.

د دې خبر له مخې د افغانستان یوشمېر وګړو د پاکستان قونسلګري په تیږو وویشته او د دې هېود ملي بیرغ یې راپرې ایست.

جرمني چارواکو تراوسه په دې اړه څه نه دي ویلي.

جنوبي کوریا د شمالي کوریا پر ضد تبلیغاتي خپرونې زیاتې کړي

ارشیف
ارشیف

وروسته له دې چې شمالي کوریا د جنوبي کوریا خاورې ته د بالونونو په وسیله نور کثافات ولېږل سیول نن اعلان وکړ چې په ګډ سرحد کې یې د پیونګ‌یانګ پر ضد تبلیغاتي خپرونې زیاتې کړې دي.

د جنوبي کوریا د پوځ ستر درستیز په یوه بیان کې وویل چې نن سهار یوځل بیا د شمالي کوریا بالونونه له سرحد څخه تر اوښتو وروسته د پلازمېنې سیول په شمالي برخه کې ښکاره شول.

بیان زیاتوي چې له دې سره د جنوبي کوریا پوځ هم له شمالي کوریا سره د ۲۴۸ کیلومتره ګډې پولې په اوږدو کې د لوډسپیکرونو په وسیله په تبلیغاتي خپرونو سره ځواب ووایه.

د سړې جګړې په څېر دې رواني جګړې داسې مهال زور اخیستی دی چې د کوریا په ټاپووزمه کې د شمال او جنوب ترمنځ اړیکي له اوږدو کلونو راهیسې ترینګلي دي.

په دې ترڅ کې دواړه د یوبل پر ضد د سختو اقداماتو ګواښونه کوي او یوبل ته د هغو د ناوړه عواقبو خبرداري ورکوي.

حدیده کې د حوثي یاغیانو پر مرکزونو د اسراییلو بریدونه؛ درې کسان وژل شوي

د حدیدې بندر یوه څنډه
د حدیدې بندر یوه څنډه

د اسراییلو جنګي جېټ الوتکو پرون د یمن په حدیده بندر کې د حوثي یاغیانو پر مرکزونو هوايي بریدونه کړي دي.

د رویټر خبري اژانس د خبر له مخې په دې بریدونو کې لږترلږه درې کسان وژل شوي او ۸۷ تنه نور ټپیان دي.

د ایران تر ملاتړ لاندې د حوثي یاغيانو اړوند المسیره تلوېزیون د روغتیا وزارت د سرچینو له قوله خبر ورکړی چې ډېری ټپیان سخت سوځېدلي دي.

د اسراییلو په بمباریو کې د یمن د تېلو او برښنا تاسیسات په نښه شوي دي.

د اسراییل د پوځ ویاند ویلي چې حوثي یاغیانو د دې بندر له لارې له ایران څخه وسلې ترلاسه کولې.

د اسراییلو له دې حملې یوه ورځ مخکې حوثي یاغیانو د بې پیلوټه الوتکې په وسیله په تل‌ابیب کې د اسراییلو پر اقتصادي مرکز حمله کړې وه.

پر حدیده بندر د اسراییلو بریدونه؛ نتنیاهو: د دې بندر له لارې حوثیانو ته له ایرانه وسلي راځي

د حدیدې بندر یوه څنډه
د حدیدې بندر یوه څنډه

عربي سرچینو د یمن په لوېدیځ کې په حدیده بندر او د حوثي یاغیانو تر کنټرول لاندې سیمه کې د هوايي بریدونو خبر ورکړ او د اسراییل پوځ د دغه برید مسوولیت په غاړه واخیست.

د اسراییل پوځ پرون شنبې اعلان وکړ چې د دغه هېواد د هوايي ځواک جنګي الوتکو د یمن په حدیده بندر کې د حوثیانو پر پوځي هدفونو بریدونه کړي دي.

د اسراییل صدراعظم بنیامین نتنیاهو وویل چې د دې بندر له لارې، چې اسراییلي جنګي الوتکو په نښه کړ، حوثیانو ته له ایران څخه وسلې راځي.

ده زیاته کړه چې دا برید د اسراییل دښمنانو ته دا ورپه ګوته کوي چې اسراییل هر ځای ویشتلی شي.

د یمن حدیده بندر د اسراییل له پولې شاوخوا ۱۸۰۰ کیلومتره لیرې دی.

د اسراییل د پوځ په خبرپاڼه کې راغلي چې دا برید پر اسراییل په تېرو میاشتو کې د سلګونو یرغلونو په ځواب کې شوی دی.

د حوثیانو تر کنټرول لاندې د یمن د روغتیا وزارت وايي چې په دې بریدونو کې لږترلږه ۸۰ تنه ټپیان شوي او ۳ هم وژل شوي دي.

د ترکیې ساحلي ساتونکو ۹۹ پناه غوښتونکي نیولي

د ترکیې یوه ساحلي سیمه
د ترکیې یوه ساحلي سیمه

د ترکیې خبري اژانسونو پرون شنبې خبر ورکړ چې د دغه هېواد ساحلي ساتونکو ۹۹ پناه غوښتونکي نیولي دي.

د ترکیې ساحلي ګارد دا کسان، غیرقانوني کډوال بللي او وايي چې هغوی یې د دیدیم سیمې د مهاجرت ادارې ته سپارلي دي.

د ترکیې د خبري اژانسونو د راپور له مخې، د ترکیې ساحل ساتونکو د دغو پناه غوښتونکو د قاچاق په تور دوه تنه نیولي دي.

په خبر کې نه دي ویل شوي چې پناه غوښتونکي د کوم هېواد اتباع وو، خو ترکیې ته ډېری افغانان، عراقیان او سوریايي په قاچاقي لارو ځي څو له دغه هېواده ځان اروپا ته ورسوي.

په پاکستان کې د ماشومانو د ګوزڼ ۹ مثبتې پېښې ثبت شوي

ارشیف: په پاکستان کې یوه واکسیناتوره یوه ماشوم ته د پولیو ضد واکسین د تطبیق پر مهال
ارشیف: په پاکستان کې یوه واکسیناتوره یوه ماشوم ته د پولیو ضد واکسین د تطبیق پر مهال

پاکستاني رسنۍ وايي چې په دغه هېواد کې د ماشومانو د ګوزڼ یا پولیو ۹ مثبتې پېښې ثبت شوي دي.

دا پېښې د پاکستان په بېلابېلو برخو کې ثبت شوي، خو وروستۍ هغه یې په هنګو کې تثبیت شوې ده.

د پاکستان د روغتیا وزارت چارواکو پرون شنبې د خپل هېواد رسنیو ته وویل چې د سند ایالت په ګډون د پاکستان په څه باندې ۵۰ سیمو کې تراوسه پورې د پولیو تر ۲۱۵ ډېرې نمونې موندل شوي دي.

د دوی په وینا، تر دې دمه ۹ ماشومان په ګوزڼ اخته شوي دي.

د پولیو ناروغي یوازې په افغانستان او پاکستان کې محوه شوې نه ده.

د اسیا د شل اوره کرکټ د ښځینه لوبډلو سیالۍ؛ هند له اماراتو سره سیالي لري

د هند د ښځینه کرکټ لوبغاړې
د هند د ښځینه کرکټ لوبغاړې

د اسیا د شل اورونو د کرکټ د ښځینه لوبغاړو د اتلولۍ په ترڅ کې به نن د دې لوبو تېر اتل، هند له متحد عربي اماراتو او پاکستان له نیپال سره مخامخ شي.

دا لوبې د جمعې په ورځ د جولای په ۱۹مه په سریلانکا کې پیل شوې چې د جولای په ۲۸مه به یې پایلوبه وي.

د اسیا د ښځینه کرکټ په دې اتلولۍ کې د کوربه هېواد تر څنګ د هند، بنګله‌دېش، پاکستان، تایلینډ، سریلانکا، متحد عربي اماراتو، نیپال او مالیزیا ملي لوبډلو برخه اخیستې ده.

نور راوښيه

XS
SM
MD
LG