د افغانستان د کرکټ په نړیوال جام کې خپله اوومه پرلپسې ماته تجربه کړه.
افغان ټیم نن د دوشنبې په ورځ له بنګلهدیش سره مخ شو چې د ٦٢ منډو په توپیر ماته وخوړه.
بنګلهدیش د ٧ لوبغاړو په سوځېدو ٢٦٣ منډې هدف وټاکه، خو ټول افغان لوبغاړي یې په ۲۰۰ منډو اوټ شول.
بنګلهدیش د ٢٠١٥ میلادي کال په نړیوال جام کې هم افغانستان مات کړی و.
د افغان لوبډلې راتلونکې لوبه را روانه شنبه د جون نهه ویشتمه له پاکستان سره ده.
افغانستان یوه بله وروستۍ لوبه هم لري چې هغه به له ویسټ انډیز سره وي.
د ٢٠١٩ میلادي کال د کرکټ نړیوال جام د انګلستان او وېلز په کوربهتوب روان دی.
پرون یکشنبه پاکستان د ۴۹ منډو او اوو لوبغاړو په سوځېدو جنوبي افریقا ته ماته ورکړه.