انګلستان مېشتي افغان ځغاستونکي ولي محمد نوري د لندن ميټرو نابينايانو په سياليو کې دوه مډالونه وګټل.
د ځغاستې دغه سيالۍ په بېلابېلو واټونونو کې د سلګونو نابينا لوبغاړو ترمنځ تېره ورځ په لندن کې وشوې.
ولي محمد د ځغاستې د دې سيالۍ په لومړي پړاو کې د سرو زرو او دوهم پړاو کې د برونزو مډال ترلاسه کړ.
هغه ازادي راډيو ته وويل چې د دې سيالۍ لپاره يې له تېرې يوې مياشتې راهيسې سخت تمرينات کړي وو او خوښ دی چې د خپلو خواريو نتيجه يې ترلاسه کړه.
ټاکل شوې چې دغه افغان ځغاستونکی د انوکټس په نوم د معلولينو په نړيوالو سياليو کې چې په هالنډ کې کېږي، هم ګډون وکړي.