په کندهار کې د پخواني ولسمشر حامد کرزي د ورور شاه ولي کرزي د کور د ساتونکو د پوستې په ډیپو کې اور لګېدلی دی.
د دغه ولایت د امنیه قوماندانۍ سکرتر غورځنګ افریدي پېښه تأییدوی او زیاتوي چې د اور لګېدنې له امله چاودنې او ډزې هم شوې دي.
ښاغلی افریدی وايي چې دغه پېښه د بېاحتیاطۍ له امله رامنځته شوې او چا ته زیان نهدی رسېدلی.
په ورته وخت کې یوې امنیتي سرچینې ازادي راډیو ته وویل چې د دغې پېښې پر مهال د ملي دفاع سرپرست وزیر اسدالله خالد او د کندهار امنیه قوماندان تادین خان د ښاغلي شاه ولي کرزي په کور کې مېلمانه وو.