په ارزګان کې د پخوا په پرتله د پولیسو تلفات کم شوي.
د ارزګان ولایت امنیه قوماندان خطاب خنجري نن دوشنبه وویل چې د دې لامل د پولیسو ښه روزنه او د هغوی پر وخت اکمال او نورو نظامي ارګانونو سره ښه همغږي ده.
د پولیسو دغه مشر یادې خبرې په امنیه قوماندانۍ کې د وژل شویو پولیسو کورنيو ته د اکرامیې د ورکولو پر مهال وکړې.
په ورته وخت کې په دغه ولایت کې مېشت سرتېري هم وايي چې د پولیسو تلفات کم شوي دي.
په دې اړه نور حال د ازادي راډيو د خبریال شریفالله شرافت په راپور کې د لاندې لېنک په کېکاږلو اورېدای شئ:
