په افغان حکومت کې یوې باوري سرچینې چې نهیې غوښتل نومیې واخېستل شي ازادي راډیو ته ویلي چې ولسمشر محمد اشرف غني قطر ته د بهرنیو چارو د وزیر صلاحالدین رباني د سفر مخه نیولې ده.
سرچینه وايي، ټاکل شوې وه چې ښاغلی رباني د تېرې میلادي میاشتې په ۲۹مه نېټه د اسیايي هېوادونو په یوه ناسته کې د ګډون په هدف چې نن ترسره کېده، دوحې ته ولاړ شي.
د سرچینې په حواله ښاغلي رباني د دغه سفر په ترڅ کې د قطر د امیر تر څنګ د هغه هېواد د بهرنیو چارو له وزیر سره هم لیدنه درلوده.
قطر ته د افغانستان د بهرنیو چارو وزیر د سفر مخه د افغان ولسمشر لهخوا داسې مهال نیول کېږي چې په دوحه کې د طالب استازو او امریکايي چارواکو ترمنځ شپږم پړاو خبرې پیل شوي دي.
خو د ولسمشر غني مرستیال ویاند شاهحسین مرتضوي ازادي رآډیو سره په خبرو کې دا ادعا رد کړې ده.