د لاسرسي لېنکونه

چهارشنبه ۲۷ وږی ۱۳۹۸ کابل ۰۴:۴۱

محمد اشرف غني: د دولت وسله وال مخالفین د سولې جرئت نه لري


محمد اشرف غني د تېرې ورځې له حملې وروسته نن و مخابراتو وزارت ولاړ

افغان ولسمشسر په مخابراتو وزارت باندې د تېرې ورځې حملې ته په غبرګون سره وايي چې وسله وال مخالفین له دولت سره د سولې جرئت نه لري.

افغان ولسمشر پر مخابراتو وزارت له حملې یوه ورځ وروسته د یکشنبې په ورځ دغه وزارت ته ولاړ او دغه حمله یې د مخالفینو د وېرې نښه وبلله.

ده وویل:

"پر هغو کسانو چې په ملکي ادارو کې کار او خدمت کوي، حمله نه یوازې مېړانه نه ده، بلکې د زبون او وېرې مثال دی."

محمد اشرف غني هغو کسانو ته په خطاب کې چې دغه حمله یې کړې، وايي چې که چېرې له امنیتي ځواکونو سره د جګړې توان لرئ، نو را میدان ته شئ.

تېره ورځ پنځو وسله والو د مخابراتو پر وزارت حمله وکړه چې له افغان امنیتي ځواکونو سره له شااوخوا پنځه ساعته جګړې وروسته په دغه جګړه کې د درېیو افغان سرتېرو په ګډون ۷ کسان ووژل شول او اته ملیکان ټپیان شول.

افغان ولسمشر د مخابراتو وزارت د کارکوونکو او مراجعینو په ژغورلو او د حمله کوونکو په له منځه وړلو کې د افغان ځواکونو اقدامات وستایل او هغه یې د ستاینې وړ وبلل.

محمد اشرف غني د وسله والو مخالفانو په ضد تندې څرګندونې وکړې او ویې ویل، هغه چې حمله یې کړې، د سولې جرئت نه لري.

ده وویل:

"څومره کورنۍ نن د غم پر ټغر ناستې دي، ځکه چې تاسې د دې جرائت نه لرئ چې د سولې لپاره اقدام وکړئ، تاسې د دې جرئت نه لرئ چې د هېواد دښمنانو په وړاندې په یو واحد صف کې ودرېږئ، جګړه د چا په ګټه ده؟ ایا یو افغان له دې جګړې لذت او فایده وړي، دربدرۍ او د نظام نشتون مو ولید، څه غواړئ؟"

په عین حال کې غني وویل چې د اوسنۍ جګرې د دوام لپاره هېڅ شرعي او فکري دلیل نشته.

ظاهراً د غني دغه څرګندونې طالبانو ته متوجې کېږي، خو د وسله والو طالبانو په ګډون هېڅ کومې ډلې د شنبې د ورځې د حملې مسؤلیت نه دی منلی.

حمله امروز در کابل با کشته شدن ۴ مهاجم پایان یافت
هيله ده انتظار وکړئ

No media source currently available

0:00 0:01:43 0:00

پر مخابراتو وزارت حمله داسې مهال کېږی چې ټاکل شوې وه، په همدې ورځ په قطر کې د افغان حکومت او طالب استازو ترمنځ بین الافغاني خبرې اترې وشي.

د افغانستان جمهوري ریاست په وینا، دغه غونډه د طالبانو له مخالفت وروسته د قطر د حکومت له لوري لغوه شوه.

افغان ولسمشر د مخابراتو په وزارت کې په خبرو کې ویلي، د بېګناه افغانانو د وژنې مسؤلیت هغه چاته ورګرځي چې جګړه کوي، هغه جګړه چې د ښاغلي غني په وینا، د حل روښانه لاره لري.

راپور: رحمت الله افغان

XS
SM
MD
LG