د لاسرسي لېنکونه

سه شنبه ۲ تله ۱۳۹۸ کابل ۰۰:۴۲

د افغانستان د کرکټ ملي ټیم نن ایرلنډ مات کړ


د افغانستان د کرکټ ملي ټیم نن ایرلنډ مات کړ. دا د دوی څلورمه یو ورځنۍ لوبه وه.

افغان ټیم تر اوسه له پنځو لوبو دوه-یو مخکې دی او د یکشنبې د ورځې لوبې په ګټلو سره به د یو ورځنیو لوبو اتلولي هم وګټي. افغان لوبډلې نن ٢٢٣ منډې وکړې.

کپټان اصغر افغان ٥٤، محمد نبي ٦٤ او راشد خان ٥٢ منډې جوړې کړې.

په ځواب کې د ایرلنډ ملي لوبډله ونه توانېده چې هدف ته ورسېږي او په ١١٥ منډو کې یې ټول لوبغاړي وسوځېدل.

افغان ټیم د نږدې ١٥ اورونو او ١٠٩ منډو په توپیر نننۍ لوبه وګټله.

چټک بالر افتاب علم نن یوازې سر د ایرلنډ نږدې نیمایي ټیم یعنې څلور ویکټې ترلاسه کړې.

راشد خان دوه، مجیب ځدراڼ دوه، ګلبدین نایب یوه او محمدنبي هم یوه وروستۍ ویکټه واخېسته.

د افغانستان د کرکټ ملي لوبډله به د ایرلنډ له ملي ټیم سره وروستۍ پنځمه یو ورځنۍ لوبه همدا یکشنبه ولوبوي.

افغانستان له ایرلنډ سره په هند کې د شل اورېزو لوبو تر دې مخکې درې پر صفر ګټلی و او تمه ده څو ورځې وروسته یوه ټېسټ لوبه هم ورسره وکړي.

XS
SM
MD
LG