د نړۍ د محصلینو ژمنۍ سیالۍ د زرګونو لوبغاړو په ګډون سره په روسیه کې د دغه هېواد د ولسمشر ولادیمیر پوتین له خوا پرانيستل شوې.
په دغو سیالیو کې له افغانستانه هم يوه پلاوي چې په ترکیب کې یې يو لوبغاړی او دوه مسؤلین دي، ګډون لري.
د افغانستان د پوهنتونو د ورزشي فدراسیون غړي ذبیح الله شهزاد ازادي راډیو ته وویل چې د محصلینو په دغو ژمنیو سیالیو کې د نړۍ له ۵۸ هېوادونو ۳۰۰۰ زرو لوبغاړو په مختلفو ورزشي رشتو کې برخه اخيستې ده.
د ښاغلي شهزاد په خبره، له افغانستانه به مجتبی شهیداني د سکي په رشته کې د افغانستان استازیتوب وکړي.