د افغانستان د فوټبال د ۱۸ کلنو ځوانانو د فوټبال په نننۍ سیالۍ کې میوند لوبډلې پامیر لوبډلې ته په ماتې ورکولو سره مخکې تګ ته لاره هواره کړه.
د افغانستان د فوټبال فدراسیون د اعلامیې د معلوماتو له مخې پهدغه سیالۍ کې میوند پامیر لوبډلې ته ۷ د صفر په وړاندې ماتې ورکړه.
په اعلامیه کې راغلي چې د دغه سیالیو د تېرې ورځې په لوبه کې بیا عدالت لوبډلې اریا ټارګېټ لوبډلې ته ۳ د ۲ په وړاندې ماتې ورکړه او بریا يې خپله کړه.
د دغه سیالیو لومړی پړاو د روانې اوونۍ د شنبې په ورځ پیل شوې او د راتلونکي جمعې په ورځ پای ته رسېږي.