په کابل کې د عبدالغفور رغبت په نوم د سوک وهنې سیالۍ نن پای ته ورسېدې.
د افغانستان د بدني روزنې ریاست ویاند عارف پیمان نن ازادي راډيو ته وویل، په دغو سیالیو کې د کابل ولایت د ۳۲ کلبونو ۱۹۵ لوبغاړو ګډون کړی و.
ښاغلی پیمان وايي، د سوکې وهنې دغه سیالۍ په مختلفو وزني کټګوریو کې د څلورو ورځو لپاره په کابل کې ترسره شوې.
د نوموړي په خبره، له دغو سیالیو هدف د سوک وهنې د لوبغاړو هڅونه او د ملي لوبډلې لپاره د غوره څېرو موندل دي.