د افغانستان کرکټ ملي لوبډلې په درېیمه شل اوریزه لوبه کې ایرلنډ لوبډلې ته ۲۱۱ منډې هدف وټاکه.
د ایرلنډ ملي لوبډلې د دغې لوبې پچه وګټله او افغان لوبډلې ته یې د توپ وهنې بلنه ورکړه چې افغان لوبډلې په ټاکلو شل اورونو کې د ۷ لوبغاړو په سوځېدو سره مقابلې لوبډلې ته ۲۱۱ منډې هدف وټاکه.
په افغان لوبغاړو کې محمد نبي عیسی خېل تر ټولو ښه لوبه وکړه او په کمو توپونو یې ۸۱ منډې جوړې کړې.
اوس مهال ایرلنډ لوبډله لوبه کوي.