د لاسرسي لېنکونه

جمعه ۳ کب ۱۳۹۷ کابل ۱۰:۳۲

افغان کرکټ بورډ د ایرلنډ په وړاندې سیالیو ته لوبډلې اعلان کړې


د افغانستان کرکټ بورډ د ایرلنډ په وړاندې، ټېسټ، يو ورځنیو او شل اوریزو سیالیو ته لوبډلې اعلان کړې.

د لوبغاړو د غوراوي کمېټې مشر دولت احمدزي نن په کابل کې يوې خبري ناستې ته وویل چې د ایرلنډ په وړاندې يادې سیالۍ د نړیوال جام لپاره د لوبغاړو د وړتیاوو د معلومولو او چمتووالي لپاره دوی ته مهمې دي.

د دغو سیالیو په بېلابېلو درېیو لوبډلو کې د يو شمېر پخوانیو لوبغاړو تر څنګ څو ځوانو استعدادونو لکه اکرام علي‌خېل، ضیا شریفي او وقار سلام‌خېل ته هم ځای ورکړل شوی دی.

ټاکل شوې افغان لوبډله د روانې فبرورۍ میاشتې له ۲۱مې نېټې نه د مارچ میاشتې تر ۱۹مې نېټې پورې د ایرلنډ په وړاندې درې شل اوریزې، پنځه يو ورځنۍ او يوه ټېسټ لوبه وکړي.

يادې لوبې د افغانستان په کوربه‌توب د هندوستان په دهرادون ښار کې ترسره کېږي چې په ټلوېزیون به هم وښودل شي.

XS
SM
MD
LG