د لاسرسۍ وړ لېنکونه

تازه خبر
پنجشنبه ۹ وری ۱۴۰۳ کابل ۰۳:۲۹

د امریکا په تاریخ کې د حکومت تر ټولو اوږد تعطیل پای ته ورسېد


Black Caucus Kongrè Ameriken an Reyaji Sou Kriz Elektoral la ann Ayiti
Black Caucus Kongrè Ameriken an Reyaji Sou Kriz Elektoral la ann Ayiti

د امریکا ولسمشر ډونالد ټرمپ ومنله چې په موقته توګه د فدرال حکومت قسمي تعطیل پای ته ورسوي.

د امریکا متحده ایالتونو په تاریخ کې د حکومت تر ټولو اوږد تعطیل لږ تر لږه د اوس لپاره پای ته ورسېد.

دغه تعطیل چې د فدرال حکومت یو شمېر ادارې پکې شاملې وې، پنځه دېرش ورځې دوام وکړ.

د امریکا ولسمشر ډونالد ټرمپ پرون په سپینه ماڼۍ کې د تعطیل د موقتي پای ته رسېدو اعلان وکړ.

د امریکا ولسمشر ډونالد ټرمپ
د امریکا ولسمشر ډونالد ټرمپ

ده وویل:

"زه ډېر ویاړم چې نن اعلان کوم چې موږ یوې معاملې ته ورسېدو، څو تعطیل پای ته ورسوو او فدرال حکومت بېرته پرانیزو."

ټرمپ دا اعلان وروسته له هغه وکړ چې د امریکا د کانګرس دواړو جرګو پرون د فدرال حکومت د قسمي تعطیل د پای ته رسېدو لپاره د فبرورۍ تر پنځلسمې د بودجې د تمویل په سر یوې مسودې ته رأیه ورکړه.

تر دې مخکې د ټرمپ ټول وړاندیزونه چې ده د حکومت د تعطیل د پای ته رسولو لپاره کړي وو، کانګرس رد کړي.

خو ټرمپ پرون دا شرط هم کېښود چې جمهوري غوښتونکي او ډموکراتان به په درېیو راتلونکو اوونیو کې د دېوال په جوړولو خبرې کوي.

نوموړي وویل:

"که موږ له کانګرسه یوه مناسبه معامله ترلاسه نه کړای شوه، نو حکومت به د فبرورۍ له پنځلسمې وروسته بیا وتړل شي او یا به د امریکا متحده ایالتونو د اساسي قانون له مخې، د خپلو راکړل شویو صلاحیتونو له مخې دا اضطراري حالت ختم کړم."

په دې اساس ولسمشر ډونالد ټرمپ له مکسیکو سره په پوله کې د دېوال جوړولو ته له خپله هوډه نه دی ګرځېدلی.

هغه پرون هم د تعطیل د موقتي پای ته رسولو د اعلان په وخت له مکسیکو سره د دېوال د جوړولو په اهمیت خبرې وکړې.

ټرمپ له کانګرسه غوښتي چې له مکسیکو سره د دېوال د جوړولو لپاره چې اغزن سیمونه، وسپنیزې موانع او دېوالونه شامل وي، د پنځو میلیاردو او اووه سوه میلیونو ډالرو غوښتنه کړې.

د ده دا غوښتنه د کانګرس له خوا رد شوه او په نتیجه کې یې د فدرال حکومت بودجه هم ځنډول شوې وه.

د دې تعطیل په خاطر اتو لکو کارکوونکو پنځه دېرش ورځې معاش نه دی اخیستی، خو ټرمپ ژمنه وکړه چې د دغو کارکوونکو معاش به ژر ورکړل شي.

راپور: صفي الله ستانکزی

XS
SM
MD
LG