د افغانستان د سولې لپاره د امريکا د بهرنیو چارو وزارت ځانګړی استازی زلمی خليلزاد نن کابل ته ورسېد.
دا خبره په کابل کې د امريکا سفارت نن په خپره کړې اعلاميه کې کړې ده.
اعلاميه وايي، ښاغلی خليلزاد به په کابل کې له ولسمشر محمد اشرف غني، اجرائيه رئیس عبدالله عبدالله او سياسي مشرانو سره د افغانستان د سولې پروسې د ملاتړ په هدف وويني.
تر دې مخکې ښاغلي خليلزاد چين ته سفر وکړ او هلتهیې د دې هېواد له لوړپوړو چارواکو سره وکتل.
ده پر ټويټر په يوه پيغام کې له چینایي چارواکو سره خبرې ګټورې بللي او زیاتهیې کړه چې دا چارواکي د دغو خبرو د بریالیتوب لپاره ژمن دي.
د امریکا د بهرنیو چارو وزارت تېره اوونۍ وويل چې د جنورۍ له اتمې نېټې به ښاغلی خليلزاد هندوستان، چین، پاکستان او افغانستان ته سفر ولري.