په کابل کې د والیبال د ملي لوبډلې د ټاکنیزو سیالیو په لړ کې غزني لوبډلې خوست ته ماته ورکړه.
د افغانستان د والیبال فدراسیون مرستیال محمد يوسف صادق نن ازادي راډیو ته وویل، په دغه لوبه کې د غزني ولایت د والیبال لوبډلې ۳ د ۱ په وړاندې د خوست ولایت د والیبال لوبډلې ته ماته ورکړه.
د ښاغلي صادق په خبره، د والیبال د ملي لوبډلې په اتم پړاو ټاکنیزو سیالیو کې له ۱۴ ولایتونو ۲۰ لوبډلو ګډون کړی دی.
دغه سیالۍ چې د جدي د میاشتې له ۱۵مې په کابل کې پیل شوي، د همدې میاشتې تر ۲۵مې به دوام کوي.