لومړنۍ نارسمي پایلې ښيي چې ډموکراتان به د امریکا متحده ایالاتو د استازو جرګې واک په لاس کې واخلي، خو د سنا جرګې واک به له جمهوري غوښتونکو سره پاتې شي.
خبري رسنیو ویلي چې ډموکراتانو د استازو جرګې د کنټرول لپاره څه باندې ۲۳ د اړتیا وړ څوکۍ ګټلې دي.
جمهوري غوښتونکو هم د سنا جرګې د کنټرول لپاره فشار راوړی او ویل کېږي چې ښايي دوه تر درېیو ډموکراتانیې مات کړي وي.
د امریکا د کانګرس په منځمهاله انتخاباتو کې چې سې شنبه د نومبر په شپږمه وشول د تېرو کلونو په نسبت زیاتو خلکو ګډون کړی وو.
ولسمشر ډونالد ټرمپ په یوه ټویټري پیغام کې دا انتخابات وستایل او فوقالعاده کامیابي یې یاده کړې.