په ارزګان کې په لومړي ځل یوازنۍ د کرکټ خصوصي اکاډومي جوړه شوه.
دغه اکاډومي د ارزګان ولایت په مرکز ترینکوټ ښار کې جوړه شوې او تېره ورځ ناوخته ګټې اخیستې ته وسپارل شوه.
د دغې اکاډومۍ مسؤل شفیع الله رحیمي وايي، دغه اکاډومي یې د ځوانانو او لوبغاړو په غوښتنه جوړه کړې او په خبره یې چې هدف يې د کرکټ په برخه کې د پټو څېرو او وړتیاو ښکاره کول دي.
د دغه ولایت د کرکټ بورډ مسؤلین وايي، که لوبغاړي خواري وکړي، نو د ۱۹ کلنو په لوبډله کې به ورته د لوبېدو زمینه برابره کړي.
که څه هم په ارزګان ولایت کې لوبې ورځ تربلې وده کوي، خو دولت تراوسه پورې په دغه ولایت کې د لوبو لپاره هغسې کار نه دی کړی، لکه څنګه چې لازمه ده.