د افغانستان د فوټبال غوره لیګ سیالیو په لړ کې شاهین اسمايي لوبډلې د سپین غر بازانو ته په ماتې ورکولو سره د دغو سیالیو نیمه پایلوبې ته لار پیدا کړه.
که څه هم لوبه تر ورستیو شېبو پورې مساوي روانه وه، خو د لوبې د پای په دقیقو کې د شاهین اسمايي لوبډلې دوه ګولونه ووهل او لوبه یې ۳ د ۱ په وړاندې وګټله.
د شاهین اسمايي لوبډلې لپاره نصیر حسیني، انور اکبري او حشمت الله بارکزي او د سپین غر بازانو لوبډلې لپاره بیا هدایت الله قریشي يو ګول وواهه.
د دې سیالیو د نن ورځې په لوبه کې د میوند اتلانو لوبډله د سیمرغ البرز لوبډلې په وړاندې د لوبې ډګر ته وځي.